ՔՊ-ական իշխանությունը չի կարողանում ներել իր ստեղծած կեղտոտ համակարգին դեմ գնացող ոչ մի սուբյեկտի

Քաղաքական ռեպրեսիաները նոր թափ են հավաքում

Մինչ մարդիկ պահանջում են, որ իշխանությունները դադարեն փաստացի քաղաքական հետապնդման ենթարկել Գրիգորի Խաչատուրովին, Նիկոլի դատարանը ՀՀ քաղաքաշինության կոմիտեի նախկին նախագահ Վահագն Վերմիշյանին դատապարտել է 8 տարի ազատազրկման: Նրա դատապաշտպանը հայտարարել է, որ դատավճիռը բողոքարկվելու է վերաքննիչ դատարան, իսկ ապօրինի կալանքի որոշման դեմ գանգատ է ներկայացվել եվրոպական դատարան:

Սա ակնհայտ քաղաղաքական որոշում է, որը կյանքի է կոչվել՝ բացառապես բավարարելու Նիկոլի կապրիզները: «Սիրո ու հանդուժողականության» հեղափոխությունից նունիսկ 5 տարի անց էլ Հայաստանում, փաստորեն, չեն դադարում քաղաքական հետապնդումներն ու ռեպրեսիաները, որ մեծագույն հարցականի տակ են դնում Նիկոլի լեգիտիմությունն ու «դատ-դատարան» ասվածի գոյության իմաստը:

Իհարկե, ՔՊ-ականները կարող են հայտարարել, որ իրենք կապ չունեն դատարանի որոշման հետ, քանզի Հայաստանում ժողովրդավարություն է, բայց դե առնվազը «օչխար» պետք է լինել՝ ՔՊ-ականների խոսքերին հավատալու համար. Վերմիշյանի, ինչպես և Խաչատուրովի շուրջ ընթացող անօրինական պրոցեսների դրդիչը բացառապես ՔՊ-ական իշխանությունն է, որը չի կարողանում ներել իր ստեղծած կեղտոտ համակարգին դեմ գնացող ոչ մի սուբյեկտի:

Պատկերացնո՞ւմ եք եվրոպացիների արձագանքը, եթե նախկին իշխանությունների օրոք տեղի ունենային նման բաներ…