Ամերիկացի դիվանագետների մեծ մասը հեռանում է Լիբանանից՝ անվտանգության նկատառումներով

1in.am-ը գրում է.

Ամերիկացի դիվանագետների մեծ մասը և նրանց ընտանիքները լքում են Լիբանանը՝ ելնելով անվտանգության նկատառումներից: Այս մասին հաղորդում է RIA Novosti-ն՝ վկայակոչելով Լիբանանում ԱՄՆ դեսպանատան հայտարարությունը: 

«Սեպտեմբերի 6-ին Պետդեպարտամենտը հետ է կանչում Բեյրութում ԱՄՆ-ի դեսպանատան աշխատակիցներին և նրանց ընտանիքի անդամներին՝ ելնելով անվտանգության սպառնալիքից: Պետդեպարտամենտն ԱՄՆ-ի քաղաքացիներին կոչ է անում զերծ մնալ Լիբանան այցելությունից»,- ասվում է փաստաթղթում:

Դեսպանատանն ընդգծել են, որ ԱՄՆ այն քաղաքացիները, որոնք ներկայում գտնվում են Լիբանանի տարածքում և չեն ցանականում դուրս գալ երկրից, պետք է գիտակցեն և կշռեն նման տեսակի որոշման ռիսկերը: