Եգիպտոսում լուծարել են «Մուսուլման եղբայրներ» կազմակերպությունը

Emedia.am-ը գրում է.

Եգիպտոսի իշխանությունները որոշում են կայացրել հասարակական, ոչ պետական կազմակերպության կարգավիճակից զրկել «Մուսուլման եղբայրներ»-ին։

Ինչպես փոխանցում է BBC հեռուստաընկերության կայքը, նման որոշմամբ հանդես է եկել Եգիպտոսի Սոցիալական ապահովության նախարարության մամլո խոսնակը։ 
Այդ կերպ պաշտոնական Կահիերի իշխանությունները գտան իրավական ճանապարհ զրկելու «Մուսուլման եղբայրներին» իշխանությունից։ Նման քայլը պատճառաբանվում է այն հանգամանքով, որ գործող ժամանակավոր իշխանությունները բացատրություններ էին պահանջել հասարակական կազմակերպությունից ժողովրդական ընդվզումներ կազմակերպելու համար, իսկ վերջիններս չէին կարողացել հերքել այն փաստերը, որոնք ներկայացվել էին պետական գերատեսչությունների կողմից։