Ադրբեջանցիները հենց այսպես են պատկերացնում խաղաղության օրակարգը, հենց սա է այն «պայծառ ապագան», որ փորձում է կերտել Նիկոլը՝ ձեռք մեկնելով եղբայր Իլհամին

Ադրբեջանցիները ներխուժել են Որոտնավանք ու վանդալիզմի ենթարկել եկեղեցին

Ինչպես հաղորդվում է, Հայաստանի տարածք ներխուժած ադրբեջանցի զինվորականները վանդալիզմի են ենթարկել Որոտնավանքը. պատռել են Սիսիանից մոտ 14 կմ արևելք գտնվող 1000-ամյա եկեղեցու պատին փակցված հայ եկեղեցու մեծագույն վարդապետ սուրբ Գրիգոր Տաթևացու սրբապատկերը:

Տեղի ունեցածը պարզ խայտառակություն է, որը թերևս լավագույնս է բնութագրում ՀՀ սահմաններին ներկայումս տիրող իրական պատկերը, իրական պատկերացում տալիս Նիկոլի օրոք Հայաստանի ու նրա սրբությունների պաշտպանվածության աստիճանի մասին: Ի՞նչ աստիճան բարձիթողի վիճակ պետք է լինի սահմանին, որ ազերի զինվորականները հանգիստ կարողանան կտրել-անցնել սահամանագիծը ու հետո էլ հասնեն եկեղեցի ու այն վանդալիզմի ենթարկեն՝ չվախենալով պատժից ու պատասխանատվությունից: Ի՞նչ է սա, եթե ոչ շատ հստակ պատասխան՝ Նիկոլին. ադրբեջանցիները հենց այսպես են պատկերացնում խաղաղության օրակարգը, հենց սա է այն «պայծառ ապագան», որ փորձում է կերտել Նիկոլը՝ ձեռք մեկնելով եղբայր Իլհամին: Չզարմանաք,որ մի օր էլ Էջմիածին ներխուժեն՝ կրկնելով Նիկոլի կողմնակիցների՝տարիներ առաջ բեմադրած սրբապղծությունը...