Գիտնականներն առաջարկում են ճարպակալումը բուժել գարեջրի օգնությամբ

1in.am-ը գրում է.

Շվեյցարացի գիտնականները գարեջրի մեջ հայտնաբերել են հատուկ մոլեկուլ, որն ընդունակ է մարդուն բուժել ճարպակալումից, ամրացնել մկանները և երկարացնել կյանքը: 

Այդ հրաշք մոլեկուլը հայտնաբերվել է նաև կաթի մեջ: Ներկա դրությամբ գիտնականները փորձում են որոշել, ինչպիսին պետք է լինի դրա բաղադրությունը, որպեսզի անհրաժեշտ արդյունք տա: 

Մոլեկուլի արտասովոր հատկությունները , որոնք կրում է նիկոտինամիդ ռիբոզիդ անունը, հայտնաբերվել են փորձարկումների արդյունքում: Տասը շաբաթվա ընթացքում մկներին պահել են մեծ ճարպեր պարունակող հատուկ դիետայով: Սննդի հետ կենդանիները ստացել են նաև հրաշք-մոլեկուլը: Փորձի ավարտից հետո մկներին կշռել են: Հաստատվել է, որ կրծողները 60 %-ով ավելի քիչ քաշ են հավաքել, քան հիմնական խմբի մկները, որոնք այդ մոլեկուլը չեն ստացել: Ավելին, մոլեկուլը ստացած մկների մոտ բարձրացել է դիմադրողականությունը, բարելավվել են մկանային հյուսվածքները։ 
Ըստ գիտնականների՝ մոլեկուլը, հայտնվելով բջիջների ներսում, բարձրացնում է նյութափոխանակությունը և բարելավում է միտոքոնդրիումի աշխատանքը, որն էլեկտրակայանների նման էներգիա է մատակարարում: