Օդի ջերմաստիճանի կտրուկ նվազում է սպասվում

Aysor.am-ը գրում է.

Նախորդ գիշեր Սև ծովի տարածքից Հայաստան է ներթափանցել հզոր ցիկլոն, որը հանրապետության տարածքի մեծ մասում խիտ ամպամածության և անձրևների պատճառ կդառնա:

Այսօր սպասվում է օդի ջերմաստիճանի կտրուկ նվազում 6-7 աստիճանով: Շրջանների մեծ մասում, հատկապես՝ հյուսիսային և արևելյան շրջաններում երեկոյան հավանական են զգալի առատ անձրևներ, ամպրոպ, սաստիկ քամի 20-22մ/վրկ արագությամբ, տեղ-տեղ հնարավոր է կարկուտ:

Բացառություն կկազմի Արարատյան դաշտը. այստեղ օրվա մեծ մասը կդիտվի առանց տեղումների եղանակ, կարճատև անձրևներ են հնարավոր երեկոյան ժամերին: 

Հայպետհիդրոմետից հայտնում են, որ Երևանում օրվա երկրորդ կեսին կդիտվի ամպամածության ավելացում, երեկոյան հնարավոր է անձրև և սաստիկ քամի 14-16մ/վրկ արագությամբ:

Ցերեկը սպասվում է +26+28, երեկոյան +21+23 աստիճան տաքություն: