Ստավրոպոլ-Մոսկվա չվերթի հարբած ուղևորուհին կծել է բորտուղեկցորդին
16:41 , 15 փետրվար, 2023Մոսկվայի «Շերեմետևո» օդանավակայանում Ստավրոպոլ-Մոսկվա չվերթի հարբած ուղևորուհուն բերման են ենթարկել ինքնաթիռում ծեծկռտուք սարքելու և բորտուղեկցորդին կծելու համար։ Այս մասին չորեքշաբթի ՏԱՍՍ-ին հայտնել են իրավապահ մարմինները։
«Միջադեպը տեղի է ունեցել Ստավրոպոլից Մոսկվա թռչող ինքնաթիռում: Հարբած ուղևորուհին թռիչքի ժամանակ անպարկեշտ արտահայտություններ է օգտագործել, չի արձագանքել բորտուղեկցորդների խոսքերին և կծել է նրանցից մեկին: «Շերեմետևո» օդանավակայան ժամանելուն պես կինը բերման է ենթարկվել»,- ասել է գործակալության զրուցակիցը։
Օրինախախտին պատասխանատվության ենթարկելու հարցը ներկայումս լուծվում է։ Բորտուղեկցորդին անհրաժեշտ է եղել բժիշկների օգնությունը, ներկա պահին նրա առողջությանը վտանգ չի սպառնում։