Եգիպտոսի օդուժը Սինայի թերակղզում տասնյակ գրոհայինների է ոչնչացրել
19:29 , 3 սեպտեմբեր, 2013Panorama.am-ը գրում է.
Եգիպտոսի ռազմական ուղղաթիռները Սինայի թերակղզում հրթիռային հարվածներ են հասցնում գրոհայինների ուղղությամբ: Associated Press -ը, հղում անելով Եգիպտոսի պաշտպանության նախարարությունում ունեցած աղբյուրին, հայտնում է, որ ուղղաթիռներից արձակվել է առնվազն 13 «երկիր-օդ» դասի հրթիռներ, որի հետևանքով Մուկատա և Տումա գյուղերում, ինչպես նաև Գազայի հատվածի մոտ գտնվող Շեյխ Զուվեյդ քաղաքի հարավում սպանվել և վիրավորվել են տասնյակ գրոհայիններ:
Գործակալության աղբյուրը հայտնում է, որ մարտերը դեռ ընթանում են: Նախարարության հայտարարությունից պարզ չէ, արդյոք հարվածները հասցվում են միայն ուղղաթիռներից, թե գործի են դրվել նաև ցամաքային ստորաբաժանումները: Կառավարական ուժերի կորուստների մասին նույնպես տեղեկություններ չկան:
Ամբողջական հոդվածը կարող եք կարդալ այստեղ