Խոսրովի արգելոցում հայտնաբերված հովազը կարող է հեռանալ Հայաստանից

Emedia.am-ը գրում է.

eMedia.am-ի թղթակցի փոխանցմամբ՝ «Խոսրովի անտառ» ՊՈԱԿ-ի տնօրեն Հրաչյա Հովակիմյանը լրագրողների հետ զրույցում կատակով նկատեց, որ երևի հովազի հայտնվելն իրենով է պայմանավորված:

«Հովազն իմացավ, որ ես եմ տնօրենը, որոշեց վերադառնալ»,- ասաց նա:

Հովակիմյանը տեղեկացրեց, որ հովազի պահպանման համար հատուկ պայմաններ չկան, քանի որ ամբողջը բաց տարածք է, և հովազը կարող է հեռանալ Նախիջևան, Իրան կամ Եղեգնաձոր:

«Սակայն այսօր քանի որ մեզ մոտ վիճակը շատ հանգիստ է, կրակոցներ չկան, կենդանին իրեն ազատ ու հանգիստ է զգում»,- հավելեց արգելոցի տնօրենը: