Արագածոտնում բախվել են «ՎԱԶ» մակնիշի 2 ավտոմեքենաներ․ 6 վիրավորներից մեկն անչափահաս աղջիկ է
21:46 , 8 դեկտեմբեր, 2022Shamshyan.com-ը գրում է.
Դեկտեմբերի 8-ին խոշոր ավտովթար է տեղի ունեցել Արագածոտնի մարզում։ Ժամը 18։00-ի սահմանում Արագած-Արթիկ ճանապարհից Բերքառատ գյուղ տանող ճանապարհին՝ գյուղի սկզբնամասում, բախվել են «ՎԱԶ 21010» և «ՎԱԶ 21012» մակնիշի ավտոմեքենաները։
Վթարի հետևանքով 6 հոգի տարբեր աստիճանի մարմնական վնասվածքներով տեղափոխվել են «Ծաղկահովիտ» և «Ապարան» ԲԿ-ներ։
Վթարի փաստով նախաձեռնվել է վարույթ։ Պարզվում են վարորդների և վիրավորների ինքնությունները։
Ըստ աղբյուրի՝ դեպքի վայրում հավաքված բերքառատցիներ ասել են, որ վարորդները հորեղբոր տղաներ են, և բոլոր վիրավորները Բերքառատ գհուղից են։ Վիրավորներից մեկն էլ անչափահաս աղջիկ է։
Աղբյուրը նաև հայտնում է, որ ճանապարհը եղել է անցանելի, մերկասառույց չի եղել, և, ըստ նախնական տեղեկության, ՎԱԶ 21010-ը եղել է կայանված, երբ մյուս ավտոմեքենան հարվածել է նրա հետնամասին, և 2 մեքենաները «ֆռացել են»։ Ավտոմեքենաներում և դրսի տարբեր հատվածներում էլ հայտնաբերվել են արնանման հետքեր։