Ճապոնիայում շոգի հետևանքով օգոստոսի ընթացքում հոսպիտալացվել է ավելի քան 27 հզ. մարդ
11:40 , 3 սեպտեմբեր, 2013
1in.am-ը գրում է.
Ավելի քան 27 հզ. ճապոնացիներ օգոստոսի ընթացքում հոսպիտալացվել են արևային հարվածի պատճառով՝ հաղորդում է Ճապոնիայի Հրշեջ ծառայության վարչությունը:
Շոգի պատճառով հոսպիտալացվածների ամենամեծ թիվը Ճապոնիայում գրանցվել է 2010 թ. օգոստոսին, երբ հիվանդանոցում հայտնվել էր ավելի քան 28 հզ. մարդ:
Այս տարվա օգոստոսին Ճապոնիայի գրեթե ողջ տարածքում շոգ եղանակ է եղել՝ ավելի քան 35 աստիճան՝ ըստ Ցելսիուսի: Մի շարք տարածաշրջաններում օդի ջերմաստիճանը հասել է 40-ի:
Անցած շաբաթվա ընթացքում հոսպիտալացվածների թիվը կազմել է 1.9 հզ։ Ողջ ամառվա ընթացքում հոսպիտալացվել է 56 հզ. մարդ, որոնցից 88-ը մահացել է: