«Ռուս խաղաղապահները Ղարաբաղում ժամանակավորապես են տեղակայված»․ Ալիև

Lurer.com-ը գրում է.

Ադրբեջանի նախագահ Իլհամ Ալիևը բռնազավթված Շուշիում, ելույթ ունենալով զինծառայողների առջև, նոր սպառնալիքներ է հնչեցրել՝ ուղղված հայկական կողմին։

Նախ նա հայտարարել է, որ Արցախում ռուսական խաղաղապահ առաքելությունը ժամանակավորապես է տեղակայված, ապա նշել է, թե Հայաստանի ակնկալիքներն այլ ուժերից անօգուտ են։

«Ռուս խաղաղապահներն այնտեղ ժամանակավորապես են տեղակայված։ Նրանց տեղակայման ժամկետը հստակ նշված է 2020 թվականի նոյեմբերի 10-ի համաձայնագրում, և եթե նրանք (հայերը-խմբ․) որևէ մեկի հետ դեռ հույս են կապում, ապա միևնույն է, նոր ողբերգության կբախվեն»,- հայտարարել է Ալիևը։