Իրաքում հարձակվել են թուրք դիվանագետների մեքենաների վրա

Operativ.am-ը գրում է.

«Իտառ-Տասս» գործակալությունը հայտնում է, որ Իրաքի Մոսուլ քաղաքում թուրք դիվանագետների մեքենան հարձակման է ենթարկվել: Տուժածներ չկան, սակայն մեքենաները վնասվել են: Դիվանագետներն առավոտյան Մոսուլ քաղաքից ուղևորվում էին Էրբիլ քաղաք: Անծանոթ մարդիկ պայթուցիկ սարք էին տեղադրել այն փողոցում, որով պետք է գնային դիվանագետները:

Մոսուլի անվտանգության աշխատակիցներն այժմ փորձում են պարզել ահաբեկչության կազմակերպիչների ինքնությունները: