ՀԱՀ-ում որսագողերը դատապարտվել են 16 տարվա ազատազրկման ռնգեղջյուրների սպանության համար

1in.am-ը գրում է.

Հարավաֆրիկյան Հանրապետությունում դատարանը Մոզամբիկից 3 որսագողերի դատապարտել է 16 տարվա ազատազրկման՝ «Կրյուգեր» ազգային պարկում սպիտակ էգ ռնգեղջյուրին և նրա ձագին սպանելու համար:

Դատարանը որսագողերին մեղավոր է ճանաչել պարկի տարածք ապօրինի ներթափանցելու, ռնգեղջյուրի սպանության և անօրինական հրազեն ունենալու մեջ:

Որսագողերի ակտիվությունը կապվում է ասիական սև շուկայում եղջյուրի գնի աճի հետ: Բանն այն է, որ եղջյուրը պարունակում է կերատին՝ պինդ պրոտեին, որը կարելի է հայտնաբերել մարդու եղունգներում: Արևելյան բժշկությունը եղջյուրին վերագրում է բուժիչ հատկություններ, ինչը, սակայն, գիտականորեն ապացուցված չէ: Այս մասին հաղորդում է Ria Novosti-ն: