«Հայկական ժամանակ». Հայաստանում լավ մասնագետներ կան, բայց տեխնիկան, ապարատուրան այն չէ. ԱԺ նախագահը ՀՀ առողջապահության մասին

«Հայկական ժամանակ» օրաթերթը գրում է.

«Մենք տեղեկություններ ունեինք այն մասին, որ ԱԺ նախագահ Հովիկ Աբրահամյանի հայրը օրեր առաջ որդու աջակցությամբ բուժում է ստացել արտասահմանում։ Երեկ Աժ նախագահը մեր թղթակցի հետ զրույցում հաստատել է այս տեղեկությունը։

Հարցին, թե բուժման համար արտասահմանյան որևէ երկիր ընտրելը ինչով Է պայմանավորված, արդյո՞ք ՀՀ առողջապահական համակարգի հանդեպ անվստահությամբ, Հովիկ Աբրահամյանը պատասխանել Է. «Հայաստանում լավ մասնագետներ կան, բայց տեխնիկան, ապարատուրան այն չէ»։ Աժ նախագահի հայրը, մեր տեղեկություններով, սրտի և երիկամների խնդիր է ունեցել։