Ամառն արդեն մեզ լքում է, բայց շուտով անպայման կվերադառնա

1in.am-ը գրում է.

«Ամառը փոքրիկ կյանք է»,- ասվում է հանրահայտ երգում: Եվ ընդհանուր առմամբ հենց այդպես էլ կա: Իսկական ազատության և ոգեշնչման այդ երեք ամիսներին մենք սպասում ենք ողջ տարին՝ ծրագրեր ենք կազմում, գումարներ կուտակում, ազատվում ենք պահարաններում ու նաև մեր գլուխներում եղած աղբից: Ամեն ինչ անում ենք այդ փոքրիկ կյանքը անմոռանալի դարձնելու համար: 

Հետո ենք միայն դժգոհում, որ մի ողջ շաբաթ չենք քնել, մաշկը այրվել է, մոծակները կծել են: 

Ամառն անցնում է՝ իր հետևից թողնելով հասած բալի համ, նոր տպավորություններ և ավելի լավի հույս: