Ուկրաինայում հանրաքվե տեղի կունենա Եվրամիություն, թե Մաքսային միություն հարցի շուրջ

Lragir.am-ը գրում է.

Եվրամիություն, թե Մաքսային միություն Ուկրաինայի մտնելու հարցը պետք է որոշվի համաժողովրդական հանրաքվեի արդյունքում: Այս մասին լրագրողների հայտնել է Ուկրաինայի նախագահ Վիկտոր Յանուկովիչը:

 «Թե ինչպիսին կլինի ուկրաինացի ժողովրդի ընտրությունը, կարող է ցույց տալ միայն հանրաքվեն: Երբ որոշում ընդունվի Եվրամիություն, թե Մաքսային միություն մտնելու մասին, այդ ժաամանակ չենք կարող գործել առանց հանրաքվեի»,- ասել է Յանուկովիչը:

Այդուհանդերձ, նա հանրաքվեի ժամկետ չի նշել:

Սոցհարցումները ցույց են տալիս, որ Եվրամիության օգտին հանդես է գալիս բնակչության 41.7%-ը, իսկ Մաքսային միությանը՝ մոտ 33%-ը: