Ադրբեջանում ծառայակիցները զինծառայողին հասցրել են ինքնասպանության

PanARMENIAN.Net -ը գրում է.

Ադրբեջանի պետական սահմանապահ ծառայության զորամասում, որը գտնվում է Ջալիլաբադի շրջանում, կախված է հայտնաբերվել ժամկետային զինծառայող Նոֆել Նոֆել օղլու Մամեդովը, հայտնում է ANSPRESS-ը:

Ինչպես ասվում է հաղորդագրության մեջ, «զինակիցները հասցրել են ադրբեջանցի զինվորին ինքնասպանության»: Ըստ զինվորի ընկերների, նա հաճախակի բախումներ էր ունենում իր ծառայակիցների հետ: Մինչ ծառայության ավարտը նրան մեկ ամիս էր մնացել:

Ադրբեջանի սահմանապահ ծառայությունը չի հաստատել և չի հերքել այս տեղեկատվությունը: