«7» թվի խորհուրդը Մայքլ Ջեքսոնի կյանքում. այսօր փոփ-արքայի ծննդյան օրն է

Այսօր փոփ-արքա Մայքլ Ջեքսոնի ծննդյան օրն է: Գիննեսի ռեկորդների գրքում իբրև բոլոր ժամանակների մեծագույն արտիստ գրանցված երգիչն այսօր կդառնար 55 տարեկան: 

2009 թվականի հունիսի 25-ին Ջեքսոնը մահացավ անեսթետիկի չարաշահումից: Ջեքսոնի մասին հետաքրքիր փաստերիս կարելի է նշել, որ նա նաև պլաստիկ վիրահատությունների ռեկորդակիր էր: Ամբողջ աշխարհում Մադամ Տյուսսոյի թանգարաններում դրված է լեգենդար երգչի 5 մոմե արձան` դրանով նա զիջում է միայն Մադոննային և Էլվիսին, ովքեր 6-ական նմանակ ունեն: Ջեքսոնը ամենաերիտասարդ արտիստներից էր, ով 26 տարեկանում  արժանացավ սեփական աստղի Հոլիվուդի փառքի ծառուղում: Իսկ փոփ երաժշտության արքա առաջին անգամ Մայքլին կոչել է Էլիզաբեթ Թեյլորը:

Հատկանշական է նաև, որ Մայքլ Ջեքսոնի կյանքում խորհրդավոր դեր ունի 7 թիվը: Սկսենք նրանից, որ Ջեքսոնն իր կտակը ստորագրել է 7/7/2002 թ-ին: Երգչի հիշատակի համար կազմակերպված արարողությունը տեղի է ունեցել 7/7/ 2009թ-ին` վերը նշված կտակի  ստորագրումից 7  տարի անց:

Մայքլ Ջեքսոնի ամենահաջողված հիթերից երկուսը` “Black and White”-ն ու  “Billy Jean”-ը, ուղիղ   7 շաբաթ գրավում էին հիթ շքերթների առաջին հորիզոնականները:

 Ջեքսոնի երեք ամենահաջողված ալբոմները`“Thriller”-ը, “Bad”-ը և  “Dangerous”-ը, յուրաքանչյուրը 7 հիթ են պարգևել   Top 40 հիթ շքերթին:

Ջեքսոնների ընտանիքում կա 9 երեխա: Մայքլ Ջեքսոնը ընտանիքում ծնված  7-րդ երեխան էր: Երգիչը ծնվել է 1958 թ-ին: Հետաքրքիրն այն է, որ եթե 19-ին գումարենք 58, ապա կստացվի 77:  Հետաքրքիր է նաև այն, որ Մայքլը մահացել է հունիսի 25-ին: Նույն սկզբունքով, եթե  2-ին գումարենք  5, կստացվի  7:

Շարունակությունը՝  այստեղ