Ռուսաստանը Սիրիայի ափեր է ուղարկել հակասուզանավային նավ և հրթիռային հածանավ

1in.am-ը գրում է.

Ռուսաստանը Սիրիայի ափեր է ուղարկել մեծ հակասուզանավային նավ և «Մոսկվա» հրթիռային հածանավը: Այս մասին հաղորդում է Interfax-ը՝ վկայակոչելով գլխավոր շտաբի իր աղբյուրին:

Աղբյուրի խոսքերով՝ դրա պատճառը Միջերկրական ծովի արևելյան հատվածում ձևավորված իրավիճակն է:

Հաղորդվում է, որ ռուսական նավերը պատրաստ են ցանկացած գործողությունների՝ տարածաշրջանում Ռուսաստանի ազգայի շահերը պաշտպանելու համար:

Հիշեցնենք, որ Ֆրանսիայի Տուլոն քաղաքի նավահանգստից Միջերկրական ծովի արևելյան մաս է ուղևորվել Chevalier Paul ֆրեգատը, իսկ Վաշինգտոնը Պարսից ծոցի շրջան է ուղարկել երկու ավիակիր: