Վարչական դատարանը մերժել է Օնիկ Գասպարյանի հայցն ընդդեմ Արմեն Սարգսյանի եւ Նիկոլ Փաշինյանի


15:12 , 8 հունիս, 2022

Վարչական դատարանը՝ նախագահությամբ դատավոր Ռաֆիկ Խանդանյանի,  մերժել է Զինված ուժերի գլխավոր շտաբի պետ, գեներալ-գնդապետ Օնիկ Գասպարյանի հայցն ընդդեմ Հայաստանի Հանրապետության չորրորդ նախագահ Արմեն Սարգսյանի եւ  Հայաստանի Հանրապետության վարչապետ Նիկոլ Փաշինյանի։ Այս տեղեկությունը NEWS.am-ին հայտնեց Օնիկ Գասպարյանի ներկայացուցիչ Շուշանիկ Ստեփանյանը։

Նշենք, որ Օնիկ Գասպարյանը դիմել էր դատարան՝ պահանջելով առոչինչ ճանաչել  Հայաստանի Հանրապետության նախագահ Արմեն Սարգսյանի եւ Հայաստանի Հանրապետության վարչապետ Նիկոլ Փաշինյանի իրեն պաշտոնից ազատելու վերաբերյալ հրամանագիրը, «ինչը հաստատվել է 2021թ. մարտի 10-ի՝ վարչապետի՝  Գասպարյանին ՀՀ ԶՈՒ գլխավոր շտաբի պետի պաշտոնից իրավունքի ուժով ազատված համարելու մասին հայտարարությամբ»։