«Վերջին զանգ»-ի մասնակիցները Mitsubishi-ով բախվել են բետոնե սյանը, արմատախիլ արել ծառեր և հայտնվել սեփական տան զուգարանում. կա 5 վիրավոր
23:48 , 3 հունիս, 2022Shamshyan.com-ը գրում է.
Այսօր՝ հունիսի 3-ին, խոշոր ավտովթար է տեղի ունեցել Արագածոտնի մարզում: Ժամը 20:40-ի սահմաններում Mitsubishi Montero Sport մակնիշի ավտոմեքենան Արագած-Արթիկ ավտոճանապարհի 4-րդ կմ հատվածում՝ Կայնաշիր գյուղի վարչական տարածքում դուրս է եկել ճանապարհի երթևեկելի գոտուց, բախվել բետոնե սյանը, առաջ ընթացել, այնուհետև բախվել բնակչի տան ցանկապատին, հայտնվել հողամասում, կոտրել մի քանի ծառ և հայտնվել դրսում տեղադրված փայտե զուգարանի մեջ, կոտրելով այն:
5 վիրավորներին տեղափոխել են բժշկական կենտրոններ:
Վարորդն ու վիրավորները Արագածոտնի մարզի Ծաղկահովիտ համայնքի Վարդաբլուր վարչական շրջանի բնակիչներ են և վիրավորների մեջ են շրջանավարտներ, ովքեր մասնակցել են եղել «Վերջին զանգ»-ի արարողությանը: