65 տարի համատեղ կյանքից հետո կինն ու ամուսինը մահացել են 11 ժամ տարբերությամբ

Emedia.am-ը գրում է.

Ռութ և Հարոլդ Կնեպկեներ զույգը 65 տարի միասին կյանքից հետո մահացել են 11 ժամվա տարբերությամբ։

Այդ մասին գրում է ամերիկյան ABC News գործակալությունը։ Հարոլդ Կնեպկեն մահացել է օգոստոսի 11-ին առավոտյան 7:30-ին 91 տարեկանում, որից հետո արդեն նույն օրը երեկոյան 18:30-ն մահացել է Ռութը՝ 89 տարեկանում։ 
65 տարի միասին ապրած զույգը միմյանց հանդիպել են Երկրորդ համաշխարհային պատերազմի ընթացքում։ Կնեպկեները պատրաստվում էին իրենց համատեղ կյանքի 66 ամյակը նշել օգոստոսի 20-ին, սակայն ամսվա սկզբում առողջական խնդիրներ էին նկատվել Հարոլդի մոտ, ով տեղափոխվել էր հոսպիտալ։ 
Կնեպկեներն ունեցել են 6 երեխա ու 14 թոռ։