168.am-ը գրում է․
Այսօր վաղ առավոտյան Երևանում 5 տարբեր ուղղություններով մեկնարկած ավտոերթի մասնակիցները ավտոերթի գրեթե ավարտին բերման ենթարկվեցին, իսկ նրանց մեքենաները տարվեցին տուգանային հրապարակ։
168.am-ի հետ զրույցում ՀՀ ոստիկանության հասարակայնության հետ կապի և լրատվության վարչության պետ Զարզանդ Գաբրիելյանն անդրադառնալով բերման ենթարկված ավտոերթի մասնակիցների թվին՝ ասաց. «Այսօր ավտոերթի մասնակիցներից 91 անձ բերման է ենթարկվել։
Ինչ վերաբերում է տուգանային հրապարակ տեղափոխված մեքենաների թվին, ապա հստակ թիվ չեմ կարող ասել, քանի որ այս պահին դեռևս շարունակվում է այդ մեքենաների տեղափոխումը տուգանային հրապարակ»։