13:06 , 1 ապրիլ, 2022
Թուրքիան առաջնային օրակարգ է բերում Հայաստանի հետ կարգավորման գործընթացում առայժմ միակ բացահայտ նախապայմանը՝ Ադրբեջանի շահերի առաջմղումը
Նախօրեին
#Ադրբեջան-
#Արցախ-
#Հայաստան լարվածությանը տարբեր առիթներով միաժամանակ անդրադարձել են
#Թուրքիայի նախագահն ու ԱԳ նախարարը։ Բնականաբար, թուրք բարձրաստիճան պաշտոնյաների հայտարարությունները բացահայտ ադրբեջանամետ բովանդակության են՝ պարունակելով Բաքվի քաղաքական կշռին և տարածաշրջանային դերակատարմանը նպաստելու նպատակային ուղերձներ։
#Անկարա-
#Բաքու քաղաքական հռետորաբանության ներդաշնակեցման հերթական դաշնակցային դրսևորումը կարելի է դիտարկել առնվազն երկու հարթությունում։
1. Նախ Արցախում արձանագրված վերջին լարվածության հետ կապված Թուրքիայի կողմից աներկբա աջակցություն է ցուցաբերվում սեփական դաշնակցին՝ նաև
#Ռուսաստանի և միջազգային այլ դերակատարների թիրախային արձագանքների համատեքստում։
2. Ըստ էության, առնվազն տողատակում կիրարկվում է Թուրքիա-Հայաստան կարգավորման գործընթացում ցայժմ ակնհայտ միակ նախապայմանը՝ Ադրբեջանի շահերը հաշվի առնելու հանգամանքը՝ հստակ ակնարկելով Երևանին՝ Բաքվի պահանջներն ընդունելու կարևորությունը նաև
#Անկարայի հետ ընթացող գործընթացի հեռանկարի համար։