«Ուկրաինայի վրա ոչ թռիչքային գոտու սահմանումը մեզնից և ՆԱՏՕ-ից կպահանջի խոցել ռուսական ինքնաթիռները. մենք շահագրգռված չենք 3-րդ աշխարհամարտում ներգրավմամբ». Սպիտակ տուն
11:22 , 17 մարտ, 2022ԱՄՆ-ն Ուկրաինայի երկնքում ոչ թռիչքային գոտի չի սահմանի: Այս մասին հայտարարել է Սպիտակ տան մամուլի քարտուղար Ջեն Փսակին, գրում է ՌԻԱ «Նովոստի»-ն։
«Նախագահ Բայդենը որոշում է կայացրել՝ ելնելով մեր ազգային անվտանգության շահերից։ Ինչպես ավելի վաղ ասել ենք, ոչ թռիչքային գոտին մեզնից և ՆԱՏՕ-ից կպահանջի պոտենցիալ խոցել ռուսական ինքնաթիռները: Մենք շահագրգռված չենք երրորդ համաշխարհային պատերազմում ներգրավմամբ», - ասել է նա:
Բացի այդ, Սպիտակ տան մամուլի քարտուղարը նշել է, որ Վաշինգտոնը հասկանում է Ուկրաինայի նախագահ Վլադիմիր Զելենսկու խնդրանքները, բայց չի կատարի դրանք։