Շարունակեք այ այդպես «ազգի մասին մտածել» ու թշնամուն օգնել

Ես զարմանում եմ այն մարդկանց վրա, ովքեր այս օրերին տրվեցին ադրբեջանական սադրանքին, բայց չեմ զարմանում որոշ լրատվական կայքերի վրա, որովհետև քանիցս համոզվել եմ, որ իրենց ռեյտինգի համար աժանապատվությունն էլ գետնին կտան:
Սկսեցինք
1. Հարցազրույցի ընթացքում լրագրողը ընդամենը մեկ-երկու հարց է տալիս, իսկ Ինջիղուլյանը խոսում է ամեն ինչից, տեղ-տեղ կմկմալով, այսինքն` ինչը ստիպել են անգիր անել, դա էլ ասում է, որտեղ հիշողությունը դավաճանում է, երկար դադար է տեղի ունենում: Ուշադիր դիտեք, նա անընդհատ կրկնում է` ինչպես արդեն նշեցի, վատ էր, ինչպես նշեցի, սա չկար, նա չկար, պարզ չի՞, որ ստիպել են, իսկ նա վախից մի քանի անգամ է դա կրկնում, որ հետո իրան չտանջեն:
2. Ինչո՞ւ հայերեն լեզվով տարածվեց, եթե դա սադրանք չէր: Իհարկե, նրանք, լավ իմանալով, որ այստեղ կան օղլուներ, արեցին դա ու փաստացի հաջողություն են գրանցում:
3. Չես տեսել` մի խոսիր, կհայտնվես նման իրավիճակում` չես խոսի, գլուխ կգովաս:
4. Տղան ցանկություն է հայտնում գնալ երրորդ երկիր հանգիստ ապրելու, եթե իրա համար ազերստանում հանգիստ ա, ու իրան լավ են վերաբերվում, ինքը իրա կամքով ա գնացել էլ, ինչո՞ւ պետք է երրորդ երկրի մասին մտածի: Հիշեցնեմ, իր խոսքի մեջ Ինջիղուլյանը չի ասում, որ ուզում է երրորդ երկիր գնալ, լրագրողն ա հիշեցնում. «Դուք ասում էիք, որ ցանկանում եք գնալ երրորդ երկիր», այսինքն` սենց` «տղա ջան, քեզ ոնց ասել են, խոսա, անգիրդ չմոռանաս, թե չէ տաք ասեղը սպասում ա»: Էդ նշանակում ա` ինքը ուզում ա գա հայրենիք, ուղղակի չի կարողանում արտահայտվել:
5. Դե «առյուծները» շատ են, որ մուկ էլ չարժեն, շարունակեք այ այդպես ազգի մասին մտածել ու թշնամուն օգնել, ԿԵՑՑԵՔ: