«Չոլերի» մեջ, սոված-ծարավ անցկացրել է ցրտին․ խոստացել են՝ նույն զորամաս չեն տանի․ Կապանի զորամասն ինքնակամ լքած Վլե Ֆերոյանը տանն է

Tert.am-ը գրում է.

Կապանի զորամասն ինքնակամ լքած նորակոչիկ Վլե Ֆերոյանը կապ էր հաստատել հարազատների հետ, այժմ տանն է։ Այս մասին Tert.am-ին հայտնեց զինվորի տատիկը՝ Ռոզա Ֆերոյանը։

Նա նշեց, որ թոռն այս ընթացքում Կապանին հարակից գյուղերում է անցկացրել։ «Մոտեցել է մարդկանց, հեռախոս խնդրել, զանգել է ինձ, տաքսի է նստել, եկել տուն, դիմավորել ենք։ Տեղեկացրել ենք, որ արդեն տանն է»,-ասաց նա՝ նշելով, որ վաղը Վլե Ֆերոյանը կներկայանա Ռազմական ոստիկանություն։

Ռոզա Ֆերանյանը նշեց, որ կարևոր պայման են դրել՝ զինվորը չպետք է վերադառնա Կապանի նույն զորամաս, հակառակ դեպքում կարող են նորից տանջել նրան։ «Ինքը խնդիր չի տեսնում, անպայման հետ է գնալու ծառայության, կարևորը՝ այլ զորամաս լինի, խոստացել են, որ այդ զորամաս չեն տանի»,-ասաց Ռոզա ֆերոյանը։

Ամբողջական հոդվածը կարող եք կարդալ այստեղ: