Դրոգբա․ «Եթե Սալահը պահի նույն տեմպը, կգերազանցի բոլոր ռեկորդներս, լացս գալիս է»
17:29 , 22 նոյեմբեր, 2021Armsport.am-ը գրում է․
«Չելսիի» նախկին հարձակվող Դիդիե Դրոգբան անդրադարձել է «Լիվերպուլի» առաջատար Մոհամեդ Սալահի ցուցադրած խաղին։
«Եթե նա շարունակի նույն կերպ հանդես գալ, կգերազանցի իմ բոլոր ռեկորդները։ Այս թեմայի մասին մտածելիս ցանկանում եմ լացել»,- Դրոգբայի խոսքերն է մեջբերում Mehwar TV-ն։
Հիշեցնենք, որ հոկտեմբերին Սալահը դարձել էր Անգլիայի Պրեմիեր Լիգայի պատմության մեջ ամենաշատ գոլ խփած աֆրիկացի ֆուտբոլիստը՝ 167-րդ խաղում խփելով 104 գոլ։ Դրոգբան նույն ցուցանիշին հասել էր՝ անցկացնելով 254 հանդիպում։
Դրոգբան այժմ համարվում է Չեմպիոնների Լիգայում ամենաշատ գոլ խփած աֆրիկացի ֆուտբոլիստը։ Վերջինիս ակտիվում կա 44 գոլ, սակայն եգիպտոսցին հետ է մնում ընդամենը 11 գնդակով։