Ֆրանսիայում Կալաշնիկով ինքնաձիգի դետալները գնած իսլամիստին ձերբակալել են
18:41 , 2 հոկտեմբեր, 2021Armenpress.am-ը գրում է․
Ֆրանսիայի ոստիկանությունը ձերբակալել է իսլամիստին, ով վերջերս սև շուկայում ձեռք էր բերել Կալաշնիկով տեսակի ինքնաձիգի դետալները։
Ինչպես հաղորդում է «Արմենպրես»-ը՝ վկայակոչելով «ՏԱՍՍ»-ը, 20-ամյա ձերբակալվածին մեղադրանքներ են առաջադրվել։
Նա հայտնվել է ոստիկանության տվյալների էլեկտրոնային բազայում, որտեղ այն անձինք են, ովքեր հակված են արմատական իսլամիզմի և ահաբեկչական գործողությունների։
Հատուկ ծառայություններն այս տարվա ամառվանից լրտեսել են կասկածյալներին։ Մասնավորապես, պարզվել է, որ նրանք պարբերաբար համացանցում տեղեկություններ են փնտրել Ֆրանսիայում սինագոգերի և տարբեր առևտրային կենտրոնների գտնվելու վայրի մասին։