Ռուսաստանը շահագրգռված է վերականգնել իր ռազմավարական ներկայությունն Ադրբեջանում
15:57 , 20 օգոստոս, 2013
Կը խօսուի այն մասին, որ Ռուսիան մեծապէս շահագրգռուած է վերականգնել իր ռազմավարական ներկայութիւնն Ադրբեջանի մէջ և պատրաստ է առնուազն Արցախի սահմանադրական տարածքը կազմող շարք մը շրջաններ մեր հակառակորդին յանձնելու գինով հասնիլ այդ նպատակին: Եթէ Ռուսիայի և Ադրբեջանի միջև այս հարցով փոխհամաձայնութիւն մը ձևաւորուի, ապա այս խնդրի լուծման տեխնիկական կողմն ապահովելը պիտի մնայ: Ատոր համար կրնայ գործարկուիլ առնուազն երկու սենարիօ.
Ա.այդ երկու պայմանավորուած կողմերուն համար առաւել պատուաբերը պիտի ըլլայ տարածքներու «խաղաղ» փոխանցման տարբերակը, որուն պարագային նախ Արցախի և Ադրբեջանի զինուած ուժերու շփման գիծին վրայ հայկական զինուժին կը փոխարինէ ռուսական զօրքը եւ կը նահանջէ դէպի խոր թիկունքին գտնուող նոր սահմանային բնագիծը: Նոր բնագիծին վրայ հայկական զինուժի տեղակայումէն յետոյ տեղի կունենայ ռուսերու կողմէն տարածքները Ադրբեջանին փոխանցելու գործողութիւնը: Բացառուած չէ նաև, որ ռուսերու ռազմական ներկայութիւնն այդտեղ կը պահպանուի երկար ժամանակով, սակայն այնտէղ կը սկսի գործել ադրբեջանական քաղաքացիական իշխանութիւնը;
Բ.ռուսերը պիտի քաջալերեն ադրբեջանական կողմին սկսիլ պատերազմական գործողութիւններ, վերջինիս ցոյց կու տան յետախուզական և տեխնիկական բնոյթի աջակցութիւն, կը ձգտին Հայաստանի մէջ ունեցած լծակներու գործադրման միջոցով կտրուկ նուազեցնել հայկական կողմի պաշտպանունակութիւնը, ապա, յարմար պահին հանդէս կու գան միջնորդական նախաձեռնութեամբ և գործը կը յանգի նոյն արդիւնքներուն, որոնք նկարագրուած էին առաջին տարբերակին մէջ:
Առաջին տարբերակի գործարկումը պիտի ըլլայ նաև վկայութիւնն այն բանին, որ տարածքներու յանձնումը տեղի պիտի ունենայ Հայաստանի և Արցախի գործող իշխանութիւններու համաձայնութեամբ և այս սենարիօյի կիրառման գլխաւոր նախանշանը պիտի հանդիսանայ ռուսական զօրքի Արցախի մէջ տեղակայելու վերաբերեալ հայկական իշխանութիւններու կողմէն տրուած համաձայնութիւնը:
Պէտք է պարզորոշ հասկնանք, որ մեր համազգային հիմնախնդրի այսօրինակ լուծումը պիտի նշանակէ նաև, որ երկարաժամկէտ հեռանկարով պիտի պահպանուի ներկայիս իշխանական համակարգը՝ ինչպէս իր այսօրուան ընդհանուր որակական բնութագրով, այնպէս ալ գործող անձերով: