Սաակաշվիլին խոստացել է հանել տասնյակ հազարավոր մարդկանց դատվածությունը

1in.am-ը գրում է.

Վրաստանի նախագահ Միխեիլ Սաակաշվիլին իր հեռուսաուղերձում խոստացել է անհատական ներման ակտերի միջոցով հանել տասնյակ հազարավոր մարդկանց դատվածությունն ու պայմանական պատիժները: Այս մասին հայտնում է Civil Georgia-ն:

Երեկ Վրաստանի նախագահը հայտարարել էր, որ այդ նախաձեռնությունը կտարածվի բոլոր հանացագործությունների վրա՝ բացառությամբ ամենածանրերի, ինչպիսիք են սպանությունը, մանկապղծությունն ու ահաբեկչությունը: Չեն ներվի նաև այն հանցագործները, ովքեր դատապատվել են պետության կամ մարդկության հանդեպ հանցագործությունների համար:

Նախագահի խոսքով՝ համաներումը կօգնի Վրաստանի շատ բնակիչերի՝ մաքուր էջից նոր կյանք սկսել:

Համաներման ընթացակարգը կիրականացվի մինչ Սաակաշվիլիի նախագահական լիազորությունների ավարտը: 

Վրաստանում նախագահական ընտրությունները կանցկացվեն հոկտեմբերի 31-ին: