Մեդվեդևը լավագույն խաղացողն էր US Open-ում․ Ջոկովիչ
20:55 , 13 սեպտեմբեր, 2021Armsport.am-ը գրում է․
Սերբ թենիսիստ Նովակ Ջոկովիչը մեկնաբանել է ԱՄՆ-ի բաց առաջնության եզրափակչում Ռուսաստանի ներկայացուցիչ Դանիիլ Մեդվեդևից կրած պարտությունը:
«Առաջին հերթին ուզում եմ շնորհավորել Դանիիլին: Սա անհավատալի խաղ էր: Շնորհավորում եմ նրան և իր թիմին: Հույս ունեմ, որ մենք դեռևս կհանդիպենք մեկ այլ եզրափակչում: Սա միանշանակ նրա տիտղոսն է:
Մեդվեդևը հրաշալի տղա է և լավագույն խաղացողը այս մրցաշարում: Անկախ ամեն ինչից ես երջանիկ եմ, քանի որ ունեմ իմ երկրպագուներին: Նրանք անդադար իմ սրտում են»,- եզրափակիչ խաղից հետո ասել է 34-ամյա թենիսիստը:
Հիշեցնենք, որ երեկ տեղի ունեցած եզրափակչում Մեդվեդևը երեք սեթում հաղթանակի հասավ Ջոկովիչի նկատմամբ` (6-4,6-4,6-4): Այսպիսով, ռուս թենիսիտը նվաճեց իր կարիերայի առաջին «Մեծ սաղավարտը»: