Դերասանական փայլուն խաղ, հուզված հանդիսատես ու չդադարող ծափեր. Երևանում հանդիսավորությամբ կայացավ դերասան, ռեժիսոր Արման Նշանյանի «Սողոմոնի երգերը» ֆիլմի պրեմիերան, որն անընդհատ հետաձգվում էր, սկզբում` կորոնավիրուսի, իսկ հետո` 44–օրյա պատերազմի պատճառով։
Կոմիտասի թուրք ընկերն ու Համիդյան ջարդերը. կայացավ «Սողոմոնի երգերը» ֆիլմի պրեմիերան
15:33 , 11 սեպտեմբեր, 2021Armeniasputnik.am-ը գրում է․
Դերասան, ռեժիսոր Արման Նշանյանի «Սողոմոնի երգերը» ֆիլմն արդեն մեծ էկրաններին է։ Հայաստանում կորոնավիրուսի, ապա պատերազմի պատճառով հետաձգված պրեմիերան կայացավ մեծ շուքով։
© SPUTNIK / ARAM NERSESYAN
Արման Նշանյանն իր կնոջ հետ
Փակ դիտումն առաջին անգամ եղել է 2019 թվականին Լոս Անջելեսում։
Ֆիլմի իրադարձությունները տեղի են ունենում 19-րդ դարի վերջին և պատմում են Համիդյան ջարդերի մասին։
Պատմությունը ներկայացնում է Կոմիտասի ու նրա մտերիմ ընկերների կյանքը, որոնց համար ճակատագիրը դաժան փորձություն է նախատեսել։
Կոմիտասի կերպարը մարմնավորում է դերասան Սամվել Թադևոսյանը, որն իր լռությամբ ու խոսուն հայացքով փոխանցում է Վարդապետի դժբախտ մանկությունն ու կիսատ երազանքները։
Նշենք, որ Սամվելը երևանյան պրեմիերային ներկա չէր, քանի որ գտնվում է Իտալիայում և զբաղված է նոր ֆիլմի նկարահանումներով:
Ֆիլմի ռեժիսոր Արման Նշանյանը, որը ֆիլմում մարմնավորում է թուրք զինվորականի, Sputnik Արմենիայի հետ զրույցում նշեց, որ հայ ազգը անընդհատ կենտրոնանում է 1915 թվականի ցեղասպանության վրա, սակայն մինչ այդ նույնքան դաժան ջարդեր եղել են Սուլթան Համիդի օրոք, որոնք շատ մեծ հետք են թողել Կոմիտասի վրա։
Ամբողջական հոդվածը կարող եք կարդալ այստեղ