Եթե Հայաստանը կարողանա նորմալ բանակցություններ վարել, կարող է, առանց Արցախի կորստի, ճանաչել «Ադրբեջանի ամբողջականությունը»․ Մովսես Հակոբյան

Aysor.am-ը գրում է․

Մեր երկրի քաղաքական ղեկավարների և Ադրբեջանի քաղաքական ղեկավարների հայտարարությունները միմյանց հակասող են, որովհետև Ադրբեջանը մեզանից պահանջում է, որպեսզի ճանաչենք միմյանց պետական սահմանները, իսկ Հայաստանն ասում է՝ եկեք սահմանազատում անենք։ Այդպես չի կարելի, 168․am-ի հետ զրույցում արձագանքելով սահմանզատման ու սահմանագծման վերաբերյալ հայտարարություններին՝ ասել է գեներալ-գնդապետ, ՀՀ ԶՈՒ գլխավոր շտաբի նախկին պետ, նախկին գլխավոր ռազմական տեսուչ Մովսես Հակոբյանը՝ գործընթացի նախապայման համարելով Հայաստանի և Ադրբեջանի միջև դիվանագիտական հարաբերությունները, որոնք չկան։

Մովսես Հակոբյանը նաև կարծիք է հայտնել, որ դելիմիտացիայի ու դեմարկացիայի մասին հայտարարությունները դեռևս չեն նշանակում գործընթացի մեկնարկ։ Նրա խոսքով՝ դրա համար, դիվանագիտական հարաբերություններից բացի, Հայաստանն ու Ադրբեջանը պետք է ճանաչեն միմյանց սահմանները, ինչ-որ փաստաթղթի շուրջ պայմանավորվեն, ապա ստեղծվի հանձնաժողով՝ երկու երկրների որոշած քարտեզով, որից հետո էլ տեղի ունենա սահմանագծում ու սահմանազատում։

Ամբողջական հոդվածը կարող եք կարդալ այստեղ