Այսօր մեռելոց է

1in.am-ը գրում է.

Երեկ Հայ Առաքելական եկեղեցին նշեց հինգ տաղավար տոներից Սբ. Աստվածածնի վերափոխման տոնը` խաղողօրհնեքը: 

Տոնի հաջորդ օրը մեռելոց է: Բոլոր եկեղեցիներում հանգուցյալների հոգիների խաղաղության համար մատուցվում է հոգեհանգստյան Սուրբ Պատարագ, որից հետո մարդիկ կարող են այցելել իրենց հարազատների շիրիմներին:

Այսօր Հայաստանում հայտարարված է ոչ աշխատանքային օր:

Հիշեցնենք, որ 2008-ի թվականի հունիսի 26-ի կառավարության նիստում՝ Մայր Աթոռ Սուրբ Էջմիածնի առաջարկով, որոշում է ընդունվել, ըստ որի` հիմք ընդունելով «Խղճի ազատության և կրոնական կազմակերպությունների մասին» Հայաստանի Հանրապետության օրենքի 17-րդ հոդվածը տաղավար տոներին հաջորդող մեռելոց հիշատակի օրը հայտարարվում է ոչ աշխատանքային: