Կառավարության մոտից 16 անձ է բերման ենթարկվել. Ոստիկանություն
14:20 , 17 հուլիս, 2021Կառավարության մոտից այսօր քաղաքացիներ են բերման ենթարկվել։
Tert.am-ի հարցին, թե քանի քաղաքացի ու ի՞նչ հիմքով են բերման ենթարկվել,ՀՀ ոստիկանության լրատվության վարչությունից հայտնեցին. «16 քաղաքացի է բերման ենթարկվել վարչական իրավախախտումների վերաբերյալ օրենսգրքի 182-րդ հոդվածով նախատեսված արարք կատարելու համար»:
Նշենք, որ ՀՀ վարչական իրավախախտումների վերաբերյալ օրենսգրքի 182-րդ հոդվածը վերաբերում է հասարակական կարգի պահպանության, հասարակական անվտանգության ապահովման, օբյեկտների պահպանության պարտականությունները կատարելու ընթացքում ոստիկանության զորքերի զինծառայողի կամ ոստիկանության ծառայողի օրինական պահանջը չկատարելուն: