Հարավային Աֆրիկայում ամուրյան վագրը սպանել է կենդանաբանական այգու աշխատակցին


03:32 , 18 հունիս, 2021

News.am- գրում է․

Հարավային Աֆրիկայում ամուրյան վագրը սպանել է կենդանաբանական այգու աշխատակցին՝ ցատկելով էլեկտրական ցանկապատի վրայով: Դեպքը տեղի է ունեցել Seaview Predators մասնավոր զբոսայգում:

Ոստիկանության ներկայացուցիչ Պրիսցիլա Նայդուն AFP-ին հայտնել է, որ 50-ամյա տղամարդը նորոգում էր վանդակներից մեկի էլեկտրական ցանկապատը, երբ վագրը ցատկել է նրա վրա եւ տեղում սպանել: Ոստիկանությունը հետաքննություն է իրականացնում:

Տղամարդը քայլելիս է եղել վանդակների արանքով, երբ նրա վրա հարձակվել է Ջասպեր անունով վագրը: Ենթադրաբար, գիշատիչը ցատկելիս կոտրել է տղամարդու պարանոցը: Այնուհետեւ վագրը ցատկել մեկ այլ վանդակ, կռվել մեկ ուրիշ վագրի հետ եւ սպանել դրան: