Չինական կենդանաբանական այգում առյուծի փոխարեն շուն են ցուցադրում

1in.am-ը գրում է.

Չինաստանի Լոխե քաղաքի կենդանաբանական այգում այցելուներին առյուծի փոխարեն շուն են ցուցադրում, հայտնում է UPI-ն: 

Մասնավորապես, դրան ուշադրություն է դարձրել երեխայի հետ կենդանաբանական այգի եկած մի կին: 

Նա ցանկացել է երեխային ցույց տալ, թե ինչ ձայներ է հանում առյուծը, սակայն վանդակում գտնվող աֆրիկյան առյուծը սկսել է անսպասելիորեն հաչել: 

Պարզվել է՝ իրականում առյուծի փոխարեն վանդակում տիբեթյան մաստիֆ է: 

Կենդանաբանական այգու աշխատակիցները «փոխել են» նաև այլ կենդանատեսակների, մասնավորապես՝ գայլի վանդակում եղել է շուն, իսկ ընձառյուծի՝ աղվես: