Սաուդյան Արաբիան թույլատրել է ամենամյա հաջ իրականացնել միայն 60 հազար մուսուլմանի
09:59 , 14 հունիս, 2021168.am-ը գրում է.
Սաուդյան Արաբիայի իշխանությունները, կորոնավիրուսի տարածումից խուսափելու նպատակով, այս տարի թույլատրել են դեպի Մեքքա և Մեդինա ուխտագնացություն՝ հաջ իրականացնել միայն թագավորությունում բնակվող 60 հազար մուսուլմանի: Այս մասին հայտնել է թագավորության հաջի և ումրայի հարցերով նախարարությունը:
Նախորդ տարի համավարակի պատճառով առաջին անգամ հաջին չէին կարողացել մասնակցել մուսուլման հավատացյալներն արտերկրից, իսկ երկրում բնակվող մուսուլմաններից ընտրվել էին միայն 10 հազարը:
Այս տարի հաջը տեղի է ունենալու հուլիսի 17-22-ը: