Պուտինը Պետդումայի վավերացմանն է ներկայացրել ԵԱՏՄ-ում ընդհանուր էլեկտրաէներգիայի շուկայի մասին արձանագրությունը

23:25 , 1 հունիս, 2021
ՌԴ նախագահ Վլադիմիր Պուտինը Պետդումայի վավերացմանն է ներկայացրել Եվրասիական տնտեսական միության մասին 2014 թվականի պայմանագրում փոփոխություններ անելու արձանագրությունը, որը մասնավորապես վերաբերում է ԵԱՏՄ ընդհանուր էլեկտրաէներգետիկ շուկայի ձևավորմանը:

Իչպես փոխանցում է ՏԱՍՍ գործակալությունը, տվյալ արձանագրությունն ստորագրվել է միության անդամ հինգ երկրի՝ Ռուսաստանի Դաշնության, Հայաստանի Հանրապետության, Բելառուսի Հանրապետության, Ղազախստանի Հանրապետության և Ղրղզստանի Հանրապետության նախագաների կողմից 2019 թվականի մայիսի 29-ին:

Փաստաթուղթն ունի միջազգային պայմանագրի կարգավիճակ, որով բնորոշվում է միության ընդհանուր էլեկտրաէներգետիկ շուկայի զարգացման, գործառնության, ձևավորման իրավական հիմքերը: Այն թույլ է տալիս որոշել հինգ երկրի ազգային էլեկտրաէներգետիկ շուկաների սուբյեկտների միջև էներգիայի առևտրի զարգացմանը վերաբերող հիմնական դրույթները: