Կյանքից հեռացել է «Ապոլոն-11»-ի անձնակազմի անդամ տիեզերագնաց Մայքլ Քոլինզը
21:39 , 28 ապրիլ, 2021Armenpress.am-ը գրում է․
Կյանքի 91-րդ տարում մահացել է «Ապոլոն-11» տիեզերանավի անձնակազմի անդամ, լեգենդար տիեզերագնաց Մայքլ Քոլինզը: «Արմենպրես»-ի փոխանցմամբ՝ այս մասին հայտնում է ՌԻԱ Նովոստին, հղում անելով Քոլինզի ընտանիքի անդամների հայտարարությանը:
«Ցավով տեղեկացնում ենք, որ մեր սիրելի հայրը, պապիկը կյանքից հեռացավ քաղցկեղի հետ պայքարից հետո»,- ասված է հայտարարությունում:
Մայքլ Քոլինզը 1969թ. եղել է «Ապոլոն-11» տիեզերանավի օդաչուն և Նիլ Արմսթրոնգի ու Բազզ Օլդրինի հետ միասին կատարել է մարդկության պատմության մեջ առաջին վայրէջքը լուսնի վրա: