Ամենաշատ աղքատության նպաստ ստացողները Լոռիում են

1in.am-ը գրում է.

Հայաստանում աղքատության ընտանեկան նպաստ և միանվագ դրամական օգնություն է ստանում  114 005 ընտանիք, որի 90.4%-ը աղքատության ընտանեկան նպաստ ստացողներն են:

Մեր երկրում աղքատության նպաստ է ստանում ավելի քան 393 հազար մարդ(393 082), որոնցից կեսից ավելին`ավելի քան 57 տոկոսը կանայք են:

Աղքատության նպաստ ստացող ընտանիքները շատ են հատկապես Լոռիում՝ ավելի քան  19 հազար ընտանիք (19 412): Երևանում աղքատության նպաստ է ստանում 16 605 ընտանիք, այնուհետև գալիս են Շիրակն(15 198) ու Գեղարքունիքը(13 299):

Այս առումով համեմատաբար բարվոք վիճակ է Սյունիքում (3 707) , իսկ ամենաքիչը աղքատության նպաստ ստացող ընտանիքները Վայոց ձորի մարզում են ՝ 2094 ընտանիք: