Արտգործնախարարի տեղակալն ընդունել է Արցախի պետական կառավարման մարմինների ներկայացուցիչներին
21:58 , 14 ապրիլ, 2021ՀՀ արտաքին գործերի նախարարի տեղակալ Արմեն Ղևոնդյանն ընդունել է Արցախի պետական կառավարման մարմինների ներկայացուցիչներին: Այս մասին հայտնում է ՀՀ ԱԳՆ պաշտոնական կայքը:
«Ողջույնի խոսքում ԱԳ փոխնախարարը ընդգծեց նման հանդիպումների անցկացման կարևորությունը, որոնք խթանում են Հայաստանի և Արցախի պետական կառույցների միջև սերտ համագործակցությունը և պարբերական փոխշփումները»,- ասված է հաղորդագրությունում:
Հանդիպման ընթացքում ներկաները մտքեր են փոխանակել փոխանակեցին թուրք-ադրբեջանական դաշինքի կողմից Արցախի դեմ սանձազերծած պատերազմից հետո առաջացած հումանիտար իրադրության, արցախահայության առջև ծառացած խնդիրների, Ադրբեջանի կողմից նոյեմբերի 9-ին ստանձնած պարտավորությունների չկատարման, միջազգային հանրության արձագանքի և մի շարք այլ հարցերի շուրջ։