Վիլնյուսի ռեստորաններում շատ պատվիրող այցելուներին կտուգանեն

Aysor.am-ը գրում է.

Եվրոպական ռեստորաններում այն հաճախորդներին, ովքեր ավելի շատ են պատվիրում, քան կարող են ուտել, որոշել են տուգանել: «Իտար տասս» լրատվական գործակալության փոխանցմամբ` նոր կանոններն ի հայտ են եկել Լիտվայի մայրաքաղաք Վիլնյուսի` շվեդական սեղանի համակարգից օգտվող ռեստորաններում, որտեղ որոշակի գումարի դիմաց կարելի է վերցնել այնքան ուտելիք, որքան կտեղավորվի ափսեում:

«Իրականում դա չի ազդում: Հաճախորդը չի գա քեզ մոտ, քանի որ կզգա, որ դու իրեն չես սիրում»,- համարում է Վիլնյուսի ռեստորանների ասոցիացիայի ներկայացուցիչ Ռուտ Սակալաուսկին:

Արդյոք մեծ տարածում կստանա՞ այս երևույթը՝ դեռ հայտնի չէ: Ռեստորանային ասոցիացիան խորհուրդ է տալիս իր հաճախորդներին ավելի մանրամասն ծանոթանալ իրենց սիրելի հաստատությունների ճաշացանկերին ու պայմաններին: