Գերմանիայում առաջին անգամ ամուսնացել է բողոքական գեյ զույգ

1in.am-ը գրում է.

Գերմանիայի ավետարանչական եկեղեցին առաջին անգամ ամուսնացրել է միասեռական զույգի: Այս մասին օգոստոսի 11-ին հայտնել է գերմանական Hessischer Rundfunk հեռուստառադիոընկերությունը: 

Ամուսնական արարողությունը տեղի է ունեցել օգոստոսի 10-ին Հեսսեն դաշնային տարածքում:

Քրիստոֆ և Ռյուդիգեր Ցիմերմաններն ավելի վաղ գրանցել էին իրենց քաղաքացիական ամուսնությունը, ստացել եկեղեցու պաշտոնական օրհնությունը: 

Համապատասխան որոշումը արարողության անցկացման վերաբերյալ կայացրել էր Հեսսենի և Նասսաուի ավետարանչական եկեղեցին: 

Միասեռականների ամուսնությունը դատապարտել են որոշ բողոքական միավորումներ: 

2013թ. Գերմանիայի դաշնային սահմանադրական դատարանը վերջնականապես հավասարեցրեց հետերո- և հոմոսեքսուալ զույգերի իրավունքները: