Sputnik V-ն գրանցված չէ, բայց թույլտվություն կա. նախարար
13:05 , 8 ապրիլ, 2021Hraparak.am-ը գրում է.
Առողջապահության նախարար Անահիտ Ավանեսյանն այսօր լրագրողների հետ զրույցում անդրադարձավ այն հարցին, թե ռուսական Sputnik V պատվաստանյութը գրանցվա՞ծ է Հայաստանում, թե՞ ոչ: Նրան հիշեցրինք, որ երեկ Մոսկվայում կայացած Փաշինյան-Պուտին հանդիպմանը ՌԴ նախագահը հետաքրքրվել է` Sputnik V-ն գրանցվա՞ծ է Հայաստանում, ինչին Փաշինյանը դրական պատասխան է տվել:
Ավանեսյանն այսօր ասաց, որ գրանցված չէ, բայց օգտագործման թույլտվություն կա, իսկ գրանցման գործընթաց, որպես այդպիսին, այս պահին չի իրականացվում:
Նա նաև նշեց, որ երեկ գիշերը Sputnik V-ի հերթական խմբաքանակն է եկել Հայաստան և շուտով կմաքսազերծեն այն: