Արմեն Սարգսյանը հանդիպել է Նիկոլ Փաշինյանի հետ․ որպես երկրում ստեղծված իրավիճակի լուծում անդրադարձ է կատարվել ԱԺ արտահերթ ընտրությունների անցկացմանը
16:18 , 13 մարտ, 2021Հանրապետության նախագահ Արմեն Սարգսյանն այսօր հանդիպել է վարչապետ Նիկոլ Փաշինյանի հետ, տեղեկացնում է նախագահի աշխատակզմը:
Հանդիպումը տեղի է ունեցել Հանրապետության նախագահի նախաձեռնած քննարկումների շրջանակում:
Նախագահը և վարչապետը քննարկել են երկրում ստեղծված իրավիճակը, այն հանգուցալուծելու և ներքաղաքական ճգնաժամը հաղթահարելու ուղիները:
Այդ համատեքստում որպես լուծում անդրադարձ է կատարվել խորհրդարանական արտահերթ ընտրությունների անցկացմանը: