Էժանագին թեյը ֆտորի մեծ քանակություն է պարունակում

1in.am-ը գրում

Բոլորին է հայտնի, որ ֆտորն օգտակար է ատամներին և ոսկորներին, սակայն դրա օրական 4 մգ-ից ավել օգտագործումը կարող է վատ ազդեցություն թողնել ատամների և հոդերի վրա:

Բրիտանացի գիտնականներն անալիզի են ենթարկել ֆտորի քանակությունը փաթեթավորված թեյի մեջ և հանգել այն եզրակացության, որ էժան թեյը կարող է սովորականից ավելի շատ ֆտոր պարունակել: Դա կարող է հանգեցնել ատամների և ոսկորների մի շարք հիվանդությունների՝ հոդացավի, մկանային թուլության, փխրուն ատամների և նույնիսկ երիկամների հետ կապված խնդիրների: 

1 լիտր էժան թեյը պարունակում է միջինը 6 մգ ֆտոր: Փորձագետները թեյ արտադրողներին կոչ են անում տուփերի վրա նշել ֆտորի քանակությունը, հաղորդում է Kedem-ը: