Հունաստանում 5,9 մագնիտուդ ուժգնությամբ երկրաշարժ է տեղի ունեցել
16:09 , 3 մարտ, 2021Tert.am-ը գրում է.
Կենտրոնական Հունաստանում գտնվող Թեսալիայի շրջանում 5,9 մագնիտուդ ուժգնությամբ երկրաշարժ է տեղի ունեցել, գրում է «ՌԻԱ Նովոստի»-ն՝ Աթենքի ազգային աստղադիտարանի գեոդինամիկայի ինստիտուտին հղումով։
Նշվում է՝ երկրաշարժը տեղի է ունեցել տեղական ժամանակով 12։16-ին։ Երկրաշարժի էպիկենտրոնը գտնվել է Էլասսոնա քաղաքի մոտակայքում՝ Լարիսա քաղաքից 29 կիլոմետր հեռավորության վրա, Աթենքից 250 կիլոմետր հյուսիս-արևմուտք:
Օջախը գտնվել է 2 կմ խորության վրա։
Զոհերի և ավերածությունների մասին տեղեկություններ դեռևս չեն հաղորդվում։